ମୁମ୍ଵାଇ ୨୧।୦୮; ପ୍ରସିଦ୍ଧ ବଲିଉଡ୍ ଅଭିନେତ୍ରୀ ଶେଫାଲି ଜରିୱାଲା। ତାଙ୍କ ମୃତ୍ୟୁ ପରେ ଅଭିନେତ୍ରୀଙ୍କ ସ୍ୱାମୀ ପରାଗ ତ୍ୟାଗୀ ଏକାକୀ ହୋଇଯାଇଛନ୍ତି। କିନ୍ତୁ ତାଙ୍କ ହୃଦୟରେ ତାଙ୍କ ପତ୍ନୀଙ୍କ ପ୍ରତି ପ୍ରେମ ଏବଂ ସମ୍ମାନ ଏବେ ବି ବଞ୍ଚି ରହିଛି। ପରାଗ ଶେଫାଲିଙ୍କ ଅଧୁରା ସ୍ୱପ୍ନ ପୂରଣ କରିବାକୁ ନିଷ୍ପତ୍ତି ନେଇଛନ୍ତି ଏବଂ ତାଙ୍କ ପଥ ଅନୁସରଣ କରି ସମାଜ ପାଇଁ କାମ କରୁଛନ୍ତି।
ଶେଫାଲି ଜରିୱାଲାଙ୍କ ମୃତ୍ୟୁ ପରେ ଅଭିନେତ୍ରୀଙ୍କ ସ୍ୱାମୀ ପରାଗ ତ୍ୟାଗୀ ସ୍ତ୍ରୀଙ୍କ ସ୍ୱପ୍ନକୁ ମଉଳିବାକୁ ଦେଇ ନାହାନ୍ତି। ଶେଫାଲି ଜରିୱାଲା ରାଇଜ୍ ଫାଉଣ୍ଡେସନ୍ ନାମକ ଏକ ଏନଜିଓ ଚଲାଉଥିଲେ। ଏହି ଫାଉଣ୍ଡେସନ୍ ମାଧ୍ୟମରେ ସେ ଗରିବ ପିଲାମାନଙ୍କର ଶିକ୍ଷା ଇତ୍ୟାଦି ଖର୍ଚ୍ଚ ବହନ କରୁଥିଲେ। କିନ୍ତୁ ଏବେ ତାଙ୍କ ମୃତ୍ୟୁ ପରେ, ଅଭିନେତ୍ରୀଙ୍କ ସ୍ୱାମୀ ଏହି ମହାନ କାର୍ଯ୍ୟକୁ ଜାରି ରଖିଛନ୍ତି।
ସମ୍ପ୍ରତି, ପରାଗ ତ୍ୟାଗୀ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି। ଏହି ଭିଡିଓର କ୍ୟାପସନରେ ସେ ଲେଖିଛନ୍ତି, "ବନ୍ଧୁ ନଭ୍ୟା, କାଭ୍ୟ, ଈଶାନ ଏବଂ ଇନାୟାଙ୍କୁ ଅଭିନନ୍ଦନ। ଆଉ କିଛି ବୁନ୍ଦା ଶେଫାଲି ଜରିୱାଲା ରାଇଜ୍ ଫାଉଣ୍ଡେସନ ସମୁଦ୍ରର ଅଂଶ ହୋଇ ପାରିଛି। ଆମ ପାଇଁ ପ୍ରାର୍ଥନା କରନ୍ତୁ ଆମେ ଶେଫାଲିଙ୍କ ସ୍ୱପ୍ନ ପୂରଣ କରିପାରିବା ଏବଂ ଗରିବ ପିଲାମାନଙ୍କ ଜୀବନକୁ ଉନ୍ନତ କରିପାରିବା। ଶେଫାଲିଙ୍କ ମୃତ୍ୟୁ ପରେ ସ୍ବାମୀ ପରାଗଙ୍କ କାମକୁ ଦେଖି, ପ୍ରଶଂସକମାନେ ବହୁତ ପ୍ରଶଂସା କରୁଛନ୍ତି।
